tadhana (isang tula)

Ang iyong ngiti, ang iyong mata

simula nang ikaw ay makita

ako ay nabighani sa iyong ganda

hindi makapaniwala na ikaw ay makikilala

tayo ay naging magkaibigan

buhay ay napuno ng kasiyahan

mga kalokohang ating ginagawa

hinding-hindi magsasawa

tadhana, tadhana at ikaw ay nakilala

tadhana na nagbigay ng matamis na ala-ala

buhay ko ay nagbago dahil sayo

lahat ng mali ay aking binabago

hinihiling na sana lagi kang makita

sana ay masabi na mahal kita

distansya man ay malayo

ikaw lamang ang nasa isip ko

mula pag-gising hanggang pag-tulog

sayo ay lalong nahuhulog

pangarap ko ay ikaw

sa tingin mo ay natutunaw

isang babaeng walang katulad

pangarap kaya ay matutupad?

sa diyos pinaparating

isang munting hiling

ikaw ay laging ingatan

wag kang pababayaan

isang babae ang nakilala

ano kaya ang naka-tadhana?

hindi natin alam ang kinabukasan

tadhana ay hindi matatakasan

nakikisabay na lamang sa daloy ng hangin

saan ako makakarating?

isang munting tula

sana'y iyong mabasa

isang binibining mahinhin

ako sana'y pansinin

usap

alam mo yung feeling na gustong gusto mo siya kausapin, yung tipong gusto mo mag-hi sa kanya. kakausapin mo siya magdamag, mula umaga hangang gabi siya lang kausap mo, ang sarap ng feeling, ang saya kahit wala kayo pinag uusapan, kahit napakalabo ng usapan niyo okay lang, masaya ka...masaya kasi kausap mo yung taong mahal mo. ang hirap lang kasi minsan hindi mo siya makausap, may mga oras na gustong gusto mo siya kausapin kaso natatakot ka na baka makulitan siya sayo o kaya ayaw ka niya kausap o kaya ma-seen ka lang o kaya mareplayan ka ng "ah. ok. haha"

sa panahon ngayon, mahirap na ang mag-hi, simpleng bagay lang pero napakahirap gawin, kasi nandyan yung takot, takot na baka hindi ka niya pansinin, takot na baka hindi siya interesado sayo.

kung may tao kang minamahal, mararamdaman mo yung takot kapag gusto mo siya kausapin, minsan tutuklawin ka na ng chance para makausap siya pero hindi mo magawa, kasi natatakot ka. takot na baka hindi ka pansinin.

kapag kausap mo yung taong mahal mo, hindi mo maiiwasang mapangiti, kasi masaya ka, kakaibang saya yung nararamdaman mo kapag ksama mo siya, kapag kausap siya sa personal o sa text matutuwa ka talaga. basta kapag ksama mo yung taong mahal mo, kahit walang kwentang usapan yan, ang importante para sayo ay yung makita mo ang ngiti niya, marinig mo yung tawa niya, yung mata niya at ang boses niya. basta kapag nandyan siya, masaya ka...masaya ka kse mahal mo siya.

ang saya ng feeling, yung feeling na kapag nandiyan siya kausap mo, kapag nandiyan siya kasama mo, nakakalimutan mo yung mga problema mo, nagagawa mong ngumiti, nagbabago ka, kasi siya yung kasiyahan mo, siya yung nagbibigay kulay sa buhay mo, napakasaya lang, sobrang saya kapag nandiyan yung taong mahal mo, kapag nasasabi mo yung mga problema mo sa kanya, kapag sinasabihan ka niya kung ano gagawin mo, ramdam na ramdam mo yung saya... minsan hinihiling mo sana hindi na mawala tong sayang nadarama ko, sana malaman niya na sobrang saya ko tuwing nandiyan siya, sobrang sarap sa pakiramdam ng mga oras na kausap kita, kasi ikaw, ikaw yung nagbago ng buhay ko, ikaw yung nagbigay saya sa buhay ko, dahil sayo hindi na naging boring ang bawat araw ko, dahil sayo nagkaroon ng meaning ang bawat oras na dumadaan sa akin, sana wag ka mawala, sana nandiyan ka lang sa tabi ko, handa akong ingatan ka, handa akong pahalagahan ka, handa akong protektahan ka, kasi ikaw ang nagbibigay saya sa akin kaya nagpapasalamat ako sayo dahil pinapasaya mo ang bawat araw ko....

Minsan nasabi mo na bang "parang may kulang?"

minsan natanong mo na ba sa sarili mo na parang may kulang? makakaramdam ka bigla ng pagkalumbay, makakaramdam ka ng kalungkutan sa sarili mo, tapos maya maya marealize mo na parang may kulang na, ano ba ang kulang? ano pa ang kailangan mo.

ako madalas ko maramdaman, bakit parang may kulang sa akin, bakit parang may kailangan pa ako, pero alam niyo ba, kahit ganito ang nararamdaman ko, may nakilala akong isang taong kayang kumpletuhin ang araw ko, isang taong nagpapagaan ng loob ko, isang taong kaya akong pasayhin, isang taong makita ko lang ang ngiti niya magiging okay na ako, ang saya sa pakiramdam na nakilala mo ang isang taong magkukumpleto ng araw mo.

ang masasabi ko lang ay nung nakilala ko siya, maraming nagbago sa buhay ko, marami akong narealize, mga bagay na sana hindi ko ginawa dati, mga bagay na gusto kong gawin, nagpapasalamat ako sa Diyos dahil binigay niya yung taong nagpapasaya sa akin at nakukumpleto ang araw ko.

ikaw naranasan mo na bang maramdaman na may kulang sa sarili mo? may nagkumpleto na ba ng bawat araw mo?

tunay na lalaki

pasintabi sa mga kapwa kong lalaki, eto ay pananaw ko lamang kung ano nga ba ang isang tunay na lalaki pagdating sa pagmahal ng isang babae

para sa akin ang isang tunay na lalaki, ay yung laging nandyan para sayo, rerespetuhin ka niya dahil isa kang babae, ginagalang ka, ipapakita sayo kung ano ka sa kanya, kung mahal ka niya papakita niya na mahal ka niya, hindi mawawala ang pag pick-up line niya sayo dahil yung ang gusto niya. handa rin siya ipakilala ka sa magulang niya pag dumating na yung tamang panahon, nagtetext ng "Good morning" pagkagising niya dahil ikaw ang unang pumapasok sa isipan niya araw-araw at magtetext ng "Good night" dahil ikaw ang iniisip niya bago matulog. kapag nagtatampo ka, nagagalit, nagseselos o kung ano man, handa siyang pangitiin ka at hihingi agad siya ng tawad. Handa siyang babaan ang pride niya dahil yun ang tama. hindi rin siya maghahanap ng ibang babae kasi ikaw lang ang mahal niya, wala na siyang ibang dahilan para maghanap ng iba at ipagmamayabang niya sa ibang babae na "etong babaeng to, ay ang babaeng mahal na mahal ko" handa siyang paingitin ang ibang babae dahil maswerte ka at siya ang kasama mo. kapag may gusto ka handa siyang gawin ang lahat para ibigay yun sa iyo. iintindihin niya rin ang pagiging moody mo dahil alam niyang ganun ka, wallpaper ng cellphone or kung saan niya pwede ilagay ang picture mo, ilalagay niya dahil gusto ka niya makita kahit sa larawan lang. kapag kailangan mo ng balikat na masasandalan, tenga na handang makinig at bibig na handang kumausap sayo, nandiyan sya palagi para sa iyo. susundin niya ang kagustuhan mo, ituturing ka niya na isang prinsesa. kapag naglalaro siya ng dota, league of legends o kung ano man yan, magkakaroon pa din siya ng time para magreply sayo dahil espesyal ka sa kanya, hindi niya uunahin ang kahit anong computer games dahil alam niya na mas importante ka sa kanya. handang handa siyang ituring na isa kang prinsesa at balang araw magiging reyna ka ng buhay niya. may mga lalaki din na nagbabakla baklaan sa harap ng mahal niya dahil gusto niya ito mapatawa.  may mga lalaki din na nag-aaral magluto, dahil gusto niyang paglutuan yung taong mahal niya. handa rin siya maging baduy dahil sa pag-ibig walang baduy baduy kung mahal mo ang isang tao. at higit sa lahat ang isang lalake, handang maghintay, handa siyang ipangako at ipakita sa taong mahal niya na "nandito ako, maghihintay sa araw na nasa harap ako ng simbahan kasama si father, naglalakad ka, nakasuot ng puti at kasama natin ang mga pamilya natin, kaibigan, at sasabihin sa isa't isa ang salitang I DO"

paano mag move-on?

isang araw naglalakad ako sa eskwelahan, may nakasalubong akong isang kaibigan, nagkamustahan kami at dumaan kme sa usapan na "move-on" nagtanong siya sa akin "paano ko ba sya makakalimutan?" pumasok sa isipan ko ang mga nanyare sa nakaraan, mga araw kung saan nabigo ako sa pag-ibig...

unang una pilitin mong huwag mo siyang isipin, maglibang ka, manuod ka ng mga movie, maglibang kasama ang kaibigan, makinig ka sa mga masasayang musika, sa una mahirap yan kasi fresh pa sa puso at isipan mo ang mga nanyare, pero lilipas din ang panahon at matatanggap mo rin yan... matatanggap mo na hindi siya yung para sayo, hindi siya yung nakatadhana para sayo...magpakasaya ka lang, subukan mo din iwasan yung mga bagay na magpapaalala sa kanya lalo na at nagsisimula ka pa lang mag move-on, sabihin na natin na may mga oras na bigla na lng sya papasok sa isipan mo at makakaramdam ka ng kalungkutan pero ganyan talaga eh, hindi natin maiiwasan sa buhay na masasaktan ka, malulungkot ka, may tao talaga sa buhay natin na mawawala...subukan mo lang maglibang, magpakasaya ka, kailangan mo kasi maging masaya... wag ka na malungkot pa, kasi mayroong isang tao sa tabi na nalulungkot dahil nalulungkot ka, dala-dala nya ang panyong magpupunas ng mga luha mo, hintayin mo lang siya, handa siyang alisin ang mga luha sa mata mo at handa siya magbigay ng ligaya sa mga ngiti mo, minsan kasi hindi natin namamalayan etong mga tao na to lalo na at masyado kang focused sa pag move-on...kakayanin mo rin makamove-on nasa sarili mo din kasi yan, kagustuhan mo rin kung gusto mo siya makalimutan...dadating din ang araw kung saan kapag nakikita mo siya, wala ka ng mararamdaman na sakit, normal n ulet ang lahat...

ang masasabi ko lang ay oo mahirap mag move-on mahirap kalimutan yung taong nagbigay saya sa buhay mo pero kailangan mo tanggapin yung mga pangyayari, kailangan mo tanggapin yung katotohanan...panahon lang ang kailangan mo at isang tao na dadating, isang taong handa kang pasayahin, handang pasiglahin ulit ang buhay mo at dadating din ang araw naka move-on ka na...

salamat nga pala sa kaibigan ko dahil pinayagan mo ako isulat tong blog na to, sana nakatulong ako sa iyo sa pamamagitan ng pag-uusap natin at nitong blog na to...tandaan mo lang lahat ng sinabi ko sayo, makakalimutan mo din siya :)

Binibini (isang ambahan)

 

Binibining mahinhin

Sayo'y may aaminin

Baka tayo'y langgamin

Sa aking sasabihin

Handang kunin bituin

Iyo sanang tanggapin

Ika'y gustong yakapin

Ika'y handang mahalin

Ako sana'y pansinin

Ako sana'y sagutin

Ako'y iyong mahalin

Ako ay kikiligin

bakit mo ba sya mahal?

paano mo ba masasabi na mahal mo ang isang tao?

ewan ko...basta para sa akin wala ka dapat specific na dahilan kung bakit mo siya mahal, sa totoo lang mararamdaman mo yun eh yung tipong masasabi mo na "ah! mahal ko tong taong to" at maiisip mo, "bakit nga ba?"... sa pag-ibig kasi, mamahalin mo yung tao pero hindi mo alam yung tunay na dahilan, hindi mo maipaliwanag kung bakit mo siya mahal kasi ganun ang pag-ibig. mamahalin mo siya sa hindi mo malaman na dahilan.

parang ganito lang yan, pag sinabi mo na mahal mo ang isang tao kasi maganda siya, paano kung pumanget siya? eh di hindi mo na sya mahal?

kaya ako nung nakilala ko siya, kakaiba yung naramdaman ko, wala ako maisip na magandang dahilan kung bakit ko siya minahal, basta ang alam ko yun yung nararamdaman ko at yun ang nakikita ko sa sarili ko...

ikaw? paano mo masasabi na mahal mo ang isang tao?

what if?

"what if?" isa sa paborito kong tanungin sa sarili ko. what if naging tayo? what if nakilala kita noon pa? what if naging parte ka ng buhay ko? what if nawala ako sa buhay mo? what if hindi na kita nakakausap? what if umalis ka sa tabi ko? marami pang "what if" questions na maiisip, sure ako ikaw may naiisip ka din na "what if"

pero sana malaman ko yung sagot sa mga tanong ko, sana makita ko ang mga sagot... what if nawala ako bigla bigla at hindi mo na ako nakikita pa? hahanapin mo kaya ako? mamimiss mo kaya ako? iniisip mo din ba ako tulad ng ginagawa ko ngayon? nalulungkot ka din ba sa mga nanyayare? minsan iniisip ko, sana kapag nawala ako, hanapin mo din ako, sana maisip mo din ako, sana malungkot ka pag nawala ako. gusto ko din kase malaman kung gaano ako kahalaga sa buhay mo, gusto ko malaman kung importante ba ako sayo, gusto ko malaman kung special ako sa buhay mo, pero parang hindi naman pwede eh, kaya itatanong ko na lang sa sarili ko..."what if naging special ako sa buhay mo?"

Time Machine

Siguro naranasan mo na yung feeling na gusto mo ibalik ang oras, bumalik sa nakaraan at itama ang mali na nagawa mo. Kung pwede lang sana bumalik tayo sa nakaraan, pigilan natin ang sarili natin na gawin ang pagkakamali natin, kausapin ang sarili natin sa mga bagay na wag gawin, pigilan ang isang bagay na ayaw natin manyare. Kung pwede lang sana, gagamit tayo ng time machine at magiging masaya tayo sa buhay natin pero hindi eh, bawal na tayo bumalik sa nakaraan, bawal natin ayusin ang nanyare na, past is past nga daw di ba. nanyare na ang mga dapat manyare, para sa akin kung magkakaroon ng time machine, hindi na ako babalik sa nakaraan para pigilan ang sarili ko sa mga pagkakamali ko, ang gagawin ko papanuorin ko na lang ang sarili ko at aalalahanin ang mga pagkakamali na nagawa ko, bakit? kasi may mga natutunan ako sa mga pagkakamali ko. may mga bagay talaga na mahirap na ibalik at tangapin na lang natin ang mga pagkakamali na nagawa natin part kasi yan ng buhay, dadating at dadating ang oras kung saan malulungkot tayo sa buhay at dadating din ang oras kung saan iiyak tayo pero sa huli tangapin na lang natin ang katotohanan.

pagbabago

nasubukan mo na ba magbago dahil sa isang tao? ako, oo nasubukan ko na, ako kasi yung tipo ng lalaki na hindi nag-iisip sa mga ginagawa niya, oo aaminin ko na madali ako mahulog sa isang babae at alam kong mali yun pero dahil sa isang tao nagawa kong baguhin ito. Naging inspirasyon ko ang taong to, dahil sa kanya maraming nagbago sa buhay ko mga gawain na hindi ko ginagawa dati pero ngayon ginagawa ko na, mga bagay na inayos sa sarili. nakakalungkot din isipin kasi may limitasyon ang lahat ng bagay sa mundo, may mga bagay na hindi pwede mapunta sa ibang level. sana nga makita niya to kasi dahil sa kanya madaming nagbago sa akin at sana matuwa siya dito. 

tadhana

tadhana? totoo nga ba ang tadhana? para sa akin naniniwala ako sa tadhana, madalas tinatanong ko "bakit ko siya nakilala?", "bakit siya dumating sa buhay ko?", "ano ang dahilan at nakilala ko siya?", "bakit kailangan mawala pa siya sa buhay ko?" at marami pang tanong na minsan naiinis na ako bakit hindi nasasagot ang mga tanong ko. May mga tao na dadating sa buhay mo at papasayahin ka, yung iba magtuturo sayo ng mga aral, mga bagay na magbabago ng buhay mo, minsan maiinis ka sa mga nanyayare sa buhay mo minsan matutuwa ka. Ang gulo lang di ba? May mga oras na iiyak ka, malulungkot kasi yung taong gusto mong manatili sa buhay mo, umalis na, lumayo na siya sayo. Oo mahirap tangapin ang lahat lalo na at nawala siya sa buhay mo pero kailangan mo ito tiisin, kailangan mo tangapin ang lahat may mga bagay talaga na hindi pwede mapunta sa iyo habang buhay, mga bagay na hindi permanente sa buhay natin.

Makisakay na lang sa tadhana, pero maiinis ka din kasi yung mga bagay na gusto mo manyare hindi pwedeng manyare mga bagay na hinihiling mo na sana mapunta sayo pero masasaktan ka lang pala sa huli. Minsan dinadasal mo sana bumalik siya sa buhay mo, sana makita mo ulit siya, sana matupad ang mga pangarap mo.

Pagtrato sa babae

Paano ba ang pagtrato sa babae?

ang babae, nirerespeto, inaalagaan at minamahal. hindi sila nabuhay para bastusin, saktan at paiyakin.

paano ba ang pagtrato sa babae lalo na kung mahal mo? kung nalulungkot sya, kausapin mo siya, aliwin, pasayahin, gawin mo ang lahat makita mo lang ang matamis niyang ngiti. kung kailangan niya ng makakausap siguraduhin mo na handa ka makinig sa problema niya, handa ka na kausapin siya para gumaan ang nararamdaman niya.

dota? lol? o kahit anong laro man yan. siguraduhin mo na hindi niya ikaseselos ang laro, kung maglalaro ka dapat handa kang magreply agad sa kanya, wag ka mag-focus sa laro dahil paniguradong magagalit siya dahil ang mararamdaman niya ay mas importante ang laro kesa sa kanya.

ang lalake handang magbago sa taong mahal nila. ang lalake gago pero sa oras na makita nila yung taong mahal nila maghanda ka sa isang malupit na pagbabago. sabi nga sa kanta ng parokya "pero para sayo handa akong magpakatino kahit mahirap kakayanin ko". kasi kung mahal mo ang isang tao handa kang gawin ang lahat para sa kanya.

para sa akin ang pagtrato ko sa babaeng mahal ko, kung gusto niya ng makakausap nandito lang ako para sa kanya, kahit mga simpleng effort lang ibibigay ko sa kanya yung tipong mahulog lang panyo niya pupulutin ko agad para sa kanya. pag may dala siyang mabigat na bagay bubuhatin ko agad para sa kanya, yung tipong magiging gentleman ka para sa kanya pero para sa akin hindi ka lang dapat maging gentleman sa taong mahal mo, kailangan maging gentleman ka sa lahat ng babae, ipakita mo sa taong mahal mo na magiging proud siya sa ginagawa mo. handa akong iparamdam sa taong mahal ko na isa siyang prinsesa ng buhay ko, handa ako iparamdam sa kanya na special sa akin. mga simpleng effort lang pero alam ko na kahit gaano ka-simple man yan, alam ko na magugustuhan niya ang bawat effort na ipapakita ko sa kanya.

ayoko din mag promise, lalo na kung sobrang imposible ng promise ko sa ngayon ayokong umasa siya sa mga bagay na hindi ko kayang ibigay. kung magbibigay ako ng promise sa kanya sisiguraduhin ko na kayang kaya ko ibigay sa kanya yun.

gusto ko na tuwing masaya siya, nalulungkot, nahihirapan o kahit anong pangyayari sa buhay niya, gusto ko na nasa tabi niya ako gusto ko na nandoon ako, handang umalalay, handang makiramay at handang makisama sa bawat trip niya. mahal ko kasi siya at handa akong gawin ang lahat para sa kanya.

Pag-ibig

Ang hirap mag-mahal, hindi mo kasi alam kung sino yung taong nakatadhana para sa iyo. Yung feeling na may mahal kang tao pero hindi mo masabi sa kanya. Yung feeling na mahal mo pa din ang isang tao kahit anong gawin mo, yung tipong kahit alam mo na wala kang pag-asa sa kanya pilit mo pa din siya minamahal mapatunayan lng sa kanya na mahal mo siya. Yung feeling na nagmumukha ka ng tanga sa mga ginagawa mo para lang mapansin ka niya. Yung feeling na lagi mong iniisip kung kamusta na siya, anong ginagawa niya, sino kasama niya, masaya ba siya, kumain na ba at kung ano ano pa tapos maitatanong mo sa sarili mo "naiisip niya din kaya ako?". Yung feeling na gustong gusto mo siya kausap, kahit anong topic yan basta kausap mo siya masaya ka na. Yung feeling na magkaibigan lang kayo at alam mo na hangang doon lang ang lahat. pero alam mo ba na ang isang tao kahit nasasaktan na at nahihirapan na hindi siya sumusuko kasi mahal niya ang isang tao, gustong gusto niya patunayan sa taong mahal niya na kahit anong manyare nandito lang siya sa tabi niya handang umalalay, handang pasayahin siya at gagawin ang lahat para sa kanya kahit na magkaibigan lamang kayo o kahit may mahal na siyang iba kaya niya i-pangako na nandito lang siya sa tabi mo kasi mahal ka niya.

Nakakalungkot lang kasi may mga tao na kahit alam nilang wala silang pag-asa sa isang tao pinapakita nila sa taong mahal nila ang tunay nilang nararamdaman. May mga tao na okay lang masaktan basta makita ko yung taong mahal kong nakangiti, tumatawa at higit sa lahat masaya sa buhay nila.